Tónleikar

Hér er topp 5 listi yfir tónleika sem ég hef sótt.

1. Metallica, Parken í Kaupmannahöfn 2004

Það kann enginn að rokka eins og þessir kallar. Hvað sem hver segir þá er þetta stærsta og flottasta bandið þegar kemur að tónleikum. Upphitunarböndin voru ekki af verri endanum heldur, Slipknot (sem ég dái og dýrka eftir að hafa séð þá á sviði) og Lost Propheits (hlutu slæmar viðtökur á Parken en stóðu sig nokkuð vel þrátt fyrir það). Danirnir kunna líka að skipuleggja tónleika enda hafa þeir þurft að læra á eigin mistökum í þeim efnum.

2. Kris Kristofersson, Laugardalshöllin í Reykjavík 2004

Tónleikaárið mikla. Þarna var á ferðinni snillingur sem ég vissi varla hver var. Gjörsamlega óspilandi á gítar og ekki er kallinn neinn stórtenór. Bætti það algjörlega upp með sjarma og enlægni. Reifst yfir George Bush og stefnu Bandaríkjana á milli ótrúlega góðra laga við óviðjafnanleg og eftirminnileg ljóð. Spilaði langt fram yfir auglýstan tíma og baðst afsökunar á því, hann hefði bara svo gaman að því að spila fyrir okkur. Snillingur.

3. Rammstein, Laugardalshöllin í Reykjavík

Rammstein eru ótrúlega flottir á sviði. Þýska og þungarokk eru eins og engifer og hvítlaukur, alltof sjaldan steikt saman á pönnu, en þegar það gerist er það iðulega snilld sem maður slefar yfir.

4. Mark Knopfler, Scandinavium í Gautaborg 2005

Ég hélt að hann gæti ekki gert þetta læf á gítarinn... ég hélt líka að hann þyrfti fleiri gítara og þar með fleiri hendur til að búa til öll þessi hljóð. Knopflerinn er bestur!

5. Lou Reed, Einhverstaðar í Finnlandi 2001

Fór á rokkhátíð til að sjá Iron Maiden. Lou Reed kom sá og sigraði. Hafði aldrei fílað hann neitt sérstaklega, og geri eiginlega ekki núna. En hann var mátulega tregafullur og tók ekki feilspor á sviðinu. Finnar kunna líka þá list að horfa á tónleika fullir í drullunni.

Komust ekki á lista en voru ansi nálægt: Metallica í Reykjavík, Nick Cave í Reykjavík, Dúndurfréttir í Reykjavík, Blood Hound Gang í Reykjavík, Bomfunk MCs í Finnlandi o.fl.

Og svo kemur botninn (lélegast neðst).

1. Bob Dylan, Globen í Stokkhólmi

Hversu mikil stjarna er hægt að vera? Jú, maður labbar á sviðið, stendur til hliðar á sviðinu og spilar á orgel við lög af nýjustu plötunni í 30 mínútur og fer svo. Steindautt og Globen sándar eins og olíutunna.

2. Skítamórall, Þórshöfn 199?

Ég er ekki mikill aðdáandi þeirra.

3. Tónskólinn á Þórshöfn 1990

Gæti hafa verið fyrr eða seinna. Spilaði sjálfur eitthvert ógeðslegt æfingaverk. Minnistæðast var að Haddi hafði ekki fyrir því að æfa sig heima og spilaði á gítarinn óæfður.

4. Blur í Reykjavík 1997

Blood Hound Gang yfirspiluðu brittpopparana. Blur voru bara lélegir og Damon Albarn var fullur.

5. Jet Black Joe, Egilstaðir einhverntíman

Barnalegir stjörnustælar blandaðir við geðveilur, egó og eiturlyf. Eins og maðurinn sagði sjálfur "Svona er bara rokkið!"

Það eina sem maður á eftir að sjá er Uriah Heep, Pink Floyd (einn þeirra er nóg), Norah Jones, Eric Clapton, The Darkness og Bela Fleck og þá er ég orðinn góður.

Lifið!