Af mér eru eftirtöld atriði að frétta:

• Keypti mér hálfsárskort í ræktinni þann 25. ágúst. Er búinn að fara svo gott sem daglega síðan. Fyrir vikið hef ég komist að því sem ég vissi: áfengi er árans plága!
• Fór í Kajak-ferð með Jóni og Garðari hér í Eyjafjörðinn. Drukknaði ekki en fyrir vikið komst ég að því sem ég vissi: hafið er ári kalt!
• Bauð strákunum í bekknum í póker og bara tveir bestu spilararnir mættu. Glitnir komst nálægt því að vinna en lánsmaðurinn af neðri hæðinni vann þrátt fyrir mikla ölvun. Fyrir vikið komst ég að því að besta pókerfésið er skítaglott!
• Varð fyrir enn einum heitavatnslekanum. Pabbi pípari og ég sjálfur fórum í málið. Tókum niður ógeðslega ljótu fúsk pípurnar og settum nýjar, ljótari, í staðinn. Fyrir vikið komst ég að því að lagerinn minn er ósigrandi!
• Er búinn að fara þrisvar í fótbolta og nærri drepa mig tvisvar. Komst fyrir vikið að því að hnefleikar eru síst hættulegri höfuðskelinni en knattspyrna!
• Ég hef horft á fleiri leiki með Tottenham en Liverpool í haust. Komst fyrir vikið að því að maður þarf sterk bein til að fylgjast með miðlungsliðunum.

Góðar stundir.