Kjördæmisþing VG í Norðausturkjördæmi haldið 15. Mars, samþykkti framboðslistann til Alþingiskosninga 25. apríl næstkomandi einróma. Listinn er svona:

1. Steingrímur J. Sigfússon, alþingismaður
2. Þuríður Backman, alþingismaður
3. Björn Valur Gíslason, skipstjóri
4. Bjarkey Gunnarsdóttir, náms- og starfsráðgjafi
5. Þorsteinn Bergsson, bóndi
6. Dýrleif Skjóldal Ingimarsdóttir, leikskólakennari
7. Hlynur Hallsson, myndlistarmaður
8. Ingunn Snædal, grunnskólakennari
9. Ásmundur Páll Hjaltason, tækjamaður
10. Ásta Svavarsdóttir, grunnskólakennari
11. Kári Gautason, nemi
12. Júlíana Garðarsdóttir, nemi
13. Hrafnkell Lárusson, forstöðumaður
14. Jóhanna Gísladóttir, aðstoðarskólastjóri
15. Kristján Eldjárn Hjartarson, byggingafræðingur
16. Ríkey Sigurbjörnsdóttir, aðstoðarskólastjóri
17. Andrés Skúlason, oddviti
18. Sigríður Hauksdóttir, tómstundafulltrúi
19. Guðmundur H. Sigurjónsson, verkamaður
20. Málmfríður Sigurðardóttir, fyrrverandi alþingiskona

Á þessum lista er fjöldinn allur af fólki sem ekki bauð sig fram í forvali flokksins. Í níunda sæti er Ásmundur Hjaltason, hann tók ekki þátt í forvali. Kristján Eldjárn Hjartarson er í 15. sæti en tók ekki þátt í forvali. Ríkey Sigurbjörnsdóttir er í 16. sæti og tók ekki þátt í forvali. Andrés skúlason er í 17. sæti og tók ekki þátt í forvali. Sigríður Hauksdóttir er í 18. sæti og tók ekki þátt í forvali. Guðmundur H. Sigurjónsson tók ekki þátt í forvali og er í 19. sæti. Málmfríður Sigurðardóttir skipar svo 20. sætið en hún tók ekki þátt í forvali flokksins.

Samtals eru þá 7 á þessum lista sem ekki tóku þátt í forvali. Að sama skapi eru það þá 8 sem tóku þátt í forvali sem ekki eru á listanum. Flestir þeirra hafa væntanlega ekki viljað taka sæti neðar en þeir gerðu ráð fyrir. Sumir hafa ekki viljað taka sæti neðar en þeir lentu í sjálfu forvalinu.

Sjálfur lenti ég í 10. sæti skv. atkvæðafjölda. Kjörstjórn bauð mér að taka 15. sæti á listanum þrátt fyrir æpandi skort á ungu fólki á þennan lista. Rökstuðningurinn var að byggðasjónarmið myndu vega þungt. Þegar ég spurði hversvegna einhver frá Þórshöfn á Langanesi væri látinn gjalda byggðarsjónarmiða var mér boðið 13. sætið. Ég hafnaði hvoru um sig. Ég fæ ekki betur séð en að ég sé eini N-Þingeyingurinn á þessum lista fyrir utan Steingrím J.

Allt það fólk sem ég kannast við á þessum lista er vel frambærilegt og klárlega yfir meðallagi nothæfir stjórnmálamenn. Sem betur fer þurfti aðeins einu sinni að beita kvenfrelsissjónarmiðasverðinu en Hlynur Hallsson var sneiddur niður fyrir Dýrleifu Skjóldal.

Niðurstaðan er engu að síður afar slæm fyrir flokkinn og fyrir lýðræðið að mínu mati. Ég er sannfærður um að eftir kosningar þarf þessi stjórnmálaflokkur, líkt og flestir aðrir, að leggjast í ærlega naflaskoðun. Innan þessa flokks virðast flestir sammála um markmiðið en aðferðafræðin er oft á tíðum úrelt og beinlýnis órökrétt.

Að því sögðu þá var þetta afar áhugavert ferðalag, þó stutt væri og ég þakka sérstaklega Kára, Hlyni og Bjarkeyju fyrir frábæran félagsskap á ferðalaginu. Ég ætla að styðja þennan lista í komandi kosningum einfaldlega vegna þess að ég hef þá skoðun að þetta fólk og stefnumálin sem þau koma til með að berjast fyrir eru íslandi mikil búbót og hrein hátíð við hliðina á spillingaröflunum sem virðast ennþá ríkja annarsstaðar.