Sigurjón Digri veit að sá fyrrnefndi er í vinnunni en sá síðar nefndi hefur fyrst og fremst áhyggjur af því sem sannast reynist. Á Íslandi hefur óhemju virðing verið borin fyrir lögmönnum undanfarin ár. Laganám var líka lengi vel byggt upp á þann hátt að engu máli skipti hvort menn fengju nokkurn skilning á því sem þeir voru að læra, þeir þurftu bara að kunna það utanað.

En hvað svo sem því líður þá er ég algjörlega sannfærður um að hlutverk háskóla er ekki, ekki, ekki að svara þörfum atvinnulífsins á nokkurn einasta hátt. Háskólar hafa göfugri markmið en það. Í landi þar sem þetta tvennt verður að fara saman, þar eiga engir háskólar að vera.