Uss. Ég er samt á villigötum með þessa nettengingu.
Það var svo mikið rugl í þessu netfólki.
Ég ætlaði að segja upp sjónvarpinu og fá mér alnetið, því hver þarf á lélegu sjónvarpsefni að halda þegar maður hefur víðáttur internetanna fyrir framan sig?
En, þá kom í ljós að maður verður að hafa sjónvarpið líka því þetta er fasistasamfélag.
Gott og vel, ég fékk símanúmerið hjá einhverjum gaur út í bæ sem að á víst kaplanna sem liggja inn í húsið mitt og hann sér um að breyta áskriftinni minni, ekki sjónvarpsfyrirtækið sjálft, og mun ég hafa samband við hann seinna.
En, þeir bjóða bara upp á þráðlausar tengingar með 2, 4 og 6 Mbit-a tengingum, sem er auðvitað alltof lítið gagnamagn fyrir vef-berserk eins og mig.
Svo, ég tók 50 Mbit-a tengingu með óþráðlausum router og gaurinn sagði að það væri ekkert mál að kaupa bara nýjan gagnabeini og stinga honum í og þá væri allt töfraþráðlaust og skemmtilegt.
Það vildi svo til að ég átti eitt slíkt stykki, illa fengið að sjálfsögðu, og stakk ég því innan í tölvutengi á tölvunni minni.
Og viti menn!
Það virkaði ekki og gaurinn sem afgreiddi mig er skúrkur.