Sensible Soccer 2006

Fifa, Pro Evolution blabla og allt þetta krapp er búið að skíta á sig á hverju ári síðustu fimmtánmilljón ár. Ekki nóg með það þá hafa þeir skeint sér með sama klósettpappírnum í allan þennan tíma. Sensible Soccer 2006 er fótboltaleikur fyrir karlmenn.

Plús: Léleg graffík, skemmtilegur leikur, gaman að skora (ekkert upp kantinn, fyrir, hjólhestaspyrna rugl), einfalt að stýra köllunum, sendingar

Mínus: Gott væri að geta skipt um kall og miðað í meira en fjórar áttir (hvenær ætlar einhver að gera fótbolta FPS?).

***/****

The Brake Up

Tveir "type cast" leikarar í meintri gamanmynd. Sá kvikmyndarýni NFS tala um myndina áðan og verð að viðurkenna að ég er honum hjartanlega sammála (nema auðvitað því að hann notar fimm stjörnu kerfi sem bara aumingjar nota). Þetta er stórfyndin mynd en ekki grínmynd. Ný sýn á sambönd. Mjög trúanleg og þessi Vaughn þarna eða hvað hann heitir kemst ágætlega frá þessu og er það í fyrsta skiptið sem hann skilar hlutverki í heilu lagi. Jennifer Aniston er greinilega enn að jafna sig á Brad Pitt og kemur það að góðum notum í þessari mynd. Kemur á óvart.

***/****

A brave new world

Vísindaskáldsaga, ef það hugtak þýðir eitthvað í dag, sem er skrifuð árið nítjánhundruð-þrjátíu-og-eitthvað. Stórkostlegt meistaraverk sem tekur sig samt ekki mjög alvarlega. Framtíðarsýn sem er trúanleg að nánast öllu leyti. Tók eftir mörgum hlutum í þessari bók sem voru langt í frá hluti af tungutaki fólks fyrir seinna stríð. Mér skilst að þessi bók hafi upprunalega átt að vera grín-ádeila á 1984, en ég verð að segja eins og er að þetta er afar djúp samfélagssjálfskoðun sem á við enn þann dag í dag. Ég er ekki frá því að Andri Snær hafi lesið þessa áður en hann skrifaði Lovestar, a.m.k. fær maður svipað væb frá báðum bókunum. Ég þakka Guði fyrir að hafa ekki þurft að lesa þetta í skóla. Snilld frá toppi til táar.

****/****

Slembimálverk eftir Tolla

Á fasteignasölunni er málverk eftir Tolla sem ég er afar hrifinn af.

****/****