Högg hömm! Sko... Hér er um að ræða svokallaðan rétthyrndan ástarþríhyrningur þar sem summa skammhliðana í öðru veldi jafngildir langhliðinni í öðru. Mundu bara að við mennirnir skilgreinum ánægju út frá fyrri reynslu, svo ömulegt fólk hefur það í raun best, vertu fegin að vera ömuleg því það er frábært. Það sem þér vantar greinilega er kynþokkafyllra göngulag. Eins og öll önnur vandamál heimsins má leysa þetta vandamál með stærðfræði, kíktu á þetta göngulags-tölvulíkan og stúderaðu það. Ef þú er oft feit og þunglynd þá geturðu bara lært að ganga eins og þú sért grönn og glöð þá tekur enginn eftir því hvað þú ert niðurdrepandi. En það verður að spila bæði vörn og sókn, það eru til ýmsar leiðir til að losna við samkeppnina, bendi ég þá sérstaklega á unglingamyndir frá 9. áratugnum þær eru stútfullar af sniðugum leiðum til einmitt þess atarna. Takið eftir að ég er ekki að hvetja til tímaferðalaga til 9. áratugsins slíkt gæti haft hræðilegar afleiðingar eins og eyðingu ósonlagsins (sem kemur til með að valda aukinni tíðni húðkrabbameins) eða hnútur gæti myndast á tíma-rúms samfelluna sem gæti stöðvað algjörlega framgang tímans og valdið tortímingu allrar tilvistar. Meira hef ég ekki að segja í bili, láttu mig endilega vita hvernig þetta gegnur svo.