Menn hafa löngum velt því fyrir sér hvernig á því standi að Ísraelsmenn taki þátt í hinum ýmsu samtökum sem kenna sig við allt aðra heimsálfu en Ísraelríki stendur á.

Í öllum Júróvisjónpartýum kemur spurningin "Bíddu, er Ísrael í Evrópu?" Eins hafa menn velt því fyrir sér hversvegna Ísraelsmenn séu í knattspyrnusambandi Evrópu.

Þetta er ekki einsdæmi í knattspyrnuheiminum. Einhver lið í Suður-Ameríku taka þátt í keppnum fyrir Norður-Ameríkuþjóðir og að sama skapi er hægt að finna dæmi þess að lið í Eyjaálfu taki þátt í keppnum fyrir Asíuþjóðir.

Núna lentu Liverpool í þeim hremmingum að dragast á móti Ísraelsku liði í forkeppni Meistaradeildar Evrópu. Nú geysar stríð í Landinu og væntanlega ekki hægt að tryggja öryggi keppanda eða áhorfenda. Leikurinn sem spilast átti í Ísrael var færður í öruggara land. Auðvitað.

Það hefur löngum verið viðkvæði íþróttahreyfinganna að þau skipti sér ekki af stjórnmálum. Sem er í sjálfu sér gott. Hinsvegar þykir mér gæta ákveðins tvískinnungs í málaflutningi evrópska knattspyrnusambandsins. Ég þekki þetta ekki nógu vel, en er það ekki svo að Ísrael er í knattspyrnusambandi vegna pólitísks óróa á því svæði sem þeir plöntuðu sér niður á? Er það ekki svo að þeir geta ekki háð knattspyrnuleiki við ríkin sem þeir hafa staðið í illdeilum við undanfarna áratugi?

Það má kannski segja sem svo að Ísrael sé í evrópska knattspyrnusambandinu vegna stríða og vitleysu. En það má meina þeim þátttöku af sömu ástæðu?