Ég var búinn að steingleyma að til væri land sem heitir Tajikistan. Reyndar eru allskyns eyríki sem manni finnst að ættu að vera ei-ríki og nennir ekki að leggja á minnið.

Höfuðborgin heitir Dushanbe sem er líka ein af fáum höfuðborgum sem maður man ekki eftir að hafa heyrt um. Þetta land á sér langa og merkilega sögu, þar býr fullt af fólki, fleira fólk en í Danmörku a.m.k.

Við Íslendingar eigum það til að hneykslast yfir því að þessi eða hinn kaninn viti ekki hvar, eða hvað, Ísland er. Einhverja hluta vegna teljum við okkur eftirminnilegri en Tajikistan.