Svo virðist vera sem að stefna Háskólans á Akureyri í hugbúnaðarmálum sé talsvert metnaðarlaus. Viðkvæðið er að eyða ekki tíma og peningum í að spara tíma og peninga. Þetta er algeng röksemd sem notuð er til að verja kaup á t.d. Microsoft hugbúnaði.

Á mánudaginn velti ég því mikið fyrir mér hvernig í fjandanum mönnum dytti í hug að neyða nemendur til að nota Internet Explorer í skólanum. Ég komst að því í WebCT tíma í dag. Framleiðendur WebCT segja sem svo að aðrir vafrar virki ekki með kerfinu.

Samhæfni er viðkvæðið. Netkerfið í skólanum er nú samt Novell Netware. Novell einmitt eiga sitt eigið stýrikerfi sem er vel samhæft við netkerfin þeirra. Þetta er Linux-kerfi...

Í tölvum skólans er VMWare uppsett. Maður getur þannig keyrt önnur stýrikerfi inni í Windows. Hehe... jebb... Væri ekki gáfulegra að fara hinn hringinn?