Ég er alveg sammála því sem þú segir, þessi málmmerki hef ég séð á öðrum hönskum, enda fáir aðrir staðir til að setja það á, mynstrið er eina hugverkið, þó að það sé spurning hvort það hafi verið hannað sérstaklega í þessum tilgangi eða bara fengið að láni úr einhverjum gagnagrunni þar sem nóg er til af svona mynstrum sem enginn ber tilkall til, og mér finnst ólíklegt að mynstrið sjálft hafi einhver áhrif á söluna enda eru þetta bara hanskar sem fáir pæla mikið í. Ég var heldur ekki beint að hneykslast neitt sérstaklega á þessari frétt, eins og ég tók fram í byrjun umræðunnar, heldur almennt yfir því mannlega eðli að stytta sér leið og herma eftir öðrum í gróðaskyni eða öðrum sjálfselskum tilgangi. Í þessu tiltekna tilfelli vil ég reyndar minnast á að ég hef heyrt sögur um hvernig þetta fyrirtæki sem ásakað er um þjófnað starfar. Það tekur mjög sjaldan inn vörur sem aðrir framleiða heldur kýs það yfirleitt að búa til svipaða vöru í staðinn þar sem vinsældir vörunnar hjá öðrum fyrirtækjum sýna fram á eftirspurn eftir vörunni. Eflaust er það löglegt og allt í góðu með það en ég þykist nokkuð viss um að flestir sem væru að reyna að hasla sér völl á markaði yrðu ansi pirraðir ef að eitt stærsta fyrirtækið á markaðnum væri í sífellu að notfæra sér þá vinnu sem aðrir leggja á sig án þess að borga neitt fyrir það.