Mig langar svosem ekki mikið til að verja iðnað sem ég hef ekki mikið álit á en eitthvað verður fólk að vinna við sem hefur ekki nægilega sköpunargáfu til að starfa á þeim vettvangi sem krefst merkilegrar hugverkarsmíði (þetta er mjög afstætt hugtak), eða eins og Dr. Api sagði að það er ekkert slæmt við að vera bara smá frumlegur. Við erum auðvitað allir bullandi frumlegir og mjög nýskapandi séntilmenni hér en það eru eflaust einhverjir sem myndu einnig líta á hugverk okkar með hornauga.
Ég veit að þetta er raunveruleikinn, þeas. að fólk nýtir sköpun og vinnu annarra í nafni samkeppni á öllum sviðum, allt frá fyndnum kattarmyndum og upp í vopnaframleiðslu, á löglegan hátt sem gæti jafnvel talist sem holl þróun í sumum tilfellum, en ég get ekki að því gert að finnast þessi hegðun, í mörgum tilfellum, óásættanleg. Ég hef kynnst ótal manneskjum sem hafa nýtt sér til framdráttar eitthvað frumlegt í mínu fari, hvort sem það er eitthvað sem ég hef skapað eða haft mikið fyrir að móta, og nánast án undantekningar hefur mér þótt það sárt og fundist það gera lítið úr minni vinnu. Þetta eru kannski frekar hörð viðbrögð og kannski ætti ég bara ekkert að hugsa um þetta en þá myndi ég fljótt verða umkringdur af fólki sem myndu sjúga lífsandann úr mér hægt og bítandi.
Þessi frétt inniheldur kannski bara eðlileg viðbrögð frá iðnaði sem er fullur af afætum og er liður í náttúrulegri þróun til að kveða niður ólíðandi hegðun. Ef að sá frumlegasti lifir af þá er það réttlátt en í umhverfi sem að það gerist ekki hlýtur eitthvað að vera að.
Mér finnst vera einhver hliðstæða við þetta í því sem að Feynman sagði um gervivísindi, að hann vissi hve erfitt væri að komast að einhverju sönnu, þó þetta séu óskyld efni. Kannski bara það að við séum svipað pirraðir á fúskurum.
Mig langar ekkert til að gera það að lögbroti að vera ófrumlegur en það mætti samt vera minna um það í þessu samfélagi sem virðist verðlauna hermikrákur.