Fúlt að þið skylduð ræða þetta húfumál svona mikið án þess að komast að neinum sameiginlegum skylningi eða niðurstöðu. Fyrir þá sem ekki vita þá er það Kafteinn sem hefur rétt fyrir sér. Það má vera að þetta hljómi sem hámark hrokans en mér finnst Punduli vera knúinn af tilfinningum sem koma í veg fyrir að hann horfi hlutlægt á málið, tilfinningarnar eru til komnar vegna þess að hann sér sig sem skapandi hönnunaraðila og tekur inn á sig það sem hann skynjar sem óréttlæti gagnvart sínum líkum. Málflutningur hans einkennist að því að þetta eða hitt sé óréttlátt eða siðlaust, en mér finnst flest rökin ekki koma málinu beint við og rök eins og að þeir séu búnir að eyða tíma og orku í að búa til markað fellur auðvitað algjörlega um sjálf sig. Væri það óréttlátt gagnvart Vífilfell ef ég setti á markað kolsýrðan kóladrykk því þeir hafa eytt milljónum í að rækta íslenska kóladrykksmarkaðinn?