Ég vil bara undirstrika það sem ég sagði ítrekað í gegnum umræðuna því mér finnst eins og þið hafið ekki meðtekið það, og það skiptir sköpum til að skilja það sem ég er að segja. Ég var ekki að ræða bara um þetta mál heldur þessa hegðun yfir höfuð og hversu fúlt er að hún á sér stað. Það má vera að þetta hafi verið afspyrnu lélegt dæmi til að nota, sérstaklega þar sem við erum allir sammála um að þetta er eitthvað sem krefst lítillar sköpunar, amk. séð frá okkar dyrum. Þessi frétt vakti bara upp þessa pælingu í hausnum á mér og því ákvað ég að láta hana fylgja með röflinu í mér. Ég þykist nokkuð viss um að ef ég hefði sleppt því þá hefði umræðan tekið allt aðra stefnu.
Mér finnst dæmin sem þið notið, kolsýrður kóladrykkur og bolaprentun, ekki passa við það sem ég er að tala um. Þar eruð þið að tala um aðferðir og nýjungar í mjög víðu samhengi og ég er að sjálfsögðu sammála ykkur með að öllum sé frjálst að framleiða og vinna með slíkar hugmyndir eins og þeim sýnist. Það segir sig sjálft að það er öllum til framdráttar. Það sem ég er meira að tala um væru hlutir eins og t.d. ef einhver ætlaði að setja á markað nýjan kóladrykk og er kominn með frábært nafn á drykkinn sem myndi vekja athygli og þar með veita honum raunhæfan möguleika á að skapa öflugt vörumerki en forstjóri Vífilfells heyrir hann segja vini sínum frá því á bar, áður en hann nær að skrásetja nafnið, og forstjórinn stelur því undan honum og setur nýjan kóladrykk á markaðinn með þessu nafni vikunni eftir. Þetta er að sjálfsögðu löglegt, eins og það ætti að vera, en mér finnst ég alveg eiga rétt á því að tala um hérna hversu fúlt mér finnst að svona hegðun fyrirfinnist og sé í raun mjög algeng. Það er í raun það eina sem ég vildi segja hér, ekki tala um einhverja fjandans vettlinga.