"Vil ég nú segja þér gjörla af áformi mínu; þeir sem eru búnir að læra galdur viðlíka og ég geta ekki haft hann nema til ills, og verða þeir allir að fyrirfarast, hvenær sem þeir deyja; en kunni maður nógu mikið, þá hefir djöfullinn ekki lengur vald'yfir manninum, heldur verður hann að þjóna honum, án þess að fá nokkuð í staðinn, eins og hann þjónaði Sæmundi fróða; og hver sem veit svo mikið, er sjálfráður að því að nota kunnáttu sína, svo sem hann vill."