Ég og pabbi afrekuðum að ganga upp á Kerlingu í Eyjafirði í gær. Tilgangurinn var að mynda 5-tinda menn á sinni uppleið. Það er hreint með ólíkindum hvað við erum hraustir. Pabbi kominn á fimmtugsaldurinn og ég með mína 5-10 klukkutíma fyrir framan tölvu á dag. Við vorum ekki í miklum vandræðum með þetta og vorum fjandi sprækir á eftir bara.

Þó skal þess geta að ég er rauður eins og epli í dag vegna sólbruna. Það snarkaði í mér og mann langar bara í rófustöppu þegar maður finnur lyktina.