Er búinn að fylgja Hildi á ýmsar bílasölur þar sem hún prufukeyrir þá bíla sem henni þykja álitlegir. Í gær prufuðum við Alfa Romeo 156 og pimpaða 1600 Imprezu. Íslendingar virðast hafa alveg gerólíkgt álit á Alfa Romeo en restin af heimsbyggðinni, líkt og gildir um Toyotur. Ólíkt skoðunum landans á Toyotum þá er okkur illa við Alfa Romeo. Þrátt fyrir að bíllinn hafi verið hinn ágætasti þá er varla þorandi að synda á móti straumnum.

Ég er Subarumaður, mér fannst útlifaða Imprezan með kraftpústinu og sprungnu hátölurunum hin ágætasta.

Ég fékk Gumma og Stínu í mat í gærkvöldi. Ætlaði að elda eitthvað svakalegt handa þeim en þegar í Bónus var komið varð mér fljótt ljóst að ekki var um auðugan garð að gresja þegar kom að kjötúrvali hjá Jóhannesi. Grillaði þessvegna bara skyndibita og bauð þeim upp á skemmtiatriði á Youtube.

Ari og Gummi kíktu einmitt til mín sem og Arnór Kristjáns, um verslunarmannahelgina. Gaman þegar týndir sauðir eru hirtir upp aftur.