Áðan var ég að keyra nokkuð hratt yfir gatnamót með ljósum á þar sem annar bíll er á akreininni á móti mér að bíða eftir að beygja til vinstri.. þegar ég er svona 5-10 metra frá honum keyrir hann í veg fyrir mig og stoppar þar.
Ég hafði aðeins brot úr sekúndu til að hugsa mig vel um og framkvæma síðan mesta James Bond bílatrikk í sögu mannsins. Ég hægði ekkert á mér og tók tvær hárnákvæmar beygjur og mátti sentímetrum muna í allar áttir að ég rústaði bíl foreldra minna og nokkrum bílum í viðbót.
Með því skemmtilegasta sem ég geri er að forða mér frá dauðaslysum með kunnáttu sem ég lærði úr Grand Theft Auto.