Jæja. Draumur dagsins.

Mig dreymdi að ég og mammansdrengs vorum að fara í sund. Þegar ég kem inn þá er þar enginn annar en sundlaugavörðurinn Dr. Api. Hann brosir sínu breiðasta. Ég ætla að skola undan skónum mínum með slöngunni sem hann heldur á. Api lyftir henni þá yfir höfuð sér, skælbrosandi, og gefur í skyn að slíkt sé bannað. Ohh segi ég.

Næsti kapítuli er að við förum, ég og Api, í búningsklefan til að fara í sundfötin. Þá er þar einhver svona strákur frá Ólafsvík sem kvartar sáran undan einelti sem hann varð fyrir að hálfu Apa í æsku. Jafnframt langar hann afskaplega mikið að tala um skellinöðrur og mótorhjól við Apa. Enginn í klefanum nennir að hlusta á hann röfla um einelti og skellinöðrur.

Svo er hann að ræða einhverja sérstaka skellinöðru og er að reyna að fá Apa til að muna verðið á henni. Verðið sem Api hefur eflaust aldrei vitað. Ég sé angistina í augum Apa og segi "Milljón kall". Stamandi Ólafsvíkur gerpið horfir á mig í smá stund og segir svo til að árétta verðið "Milljón kall". Þarna er hann farinn að stama ögn.

Í þriðja kafla er ég að fara í sturtu áður en farið er úti í laug. Þá náttúrulega byrjar Api með vatnsslönguna sína aftur og fer að sprauta á mig ísköldu vatni. Ég hleyp flissandi bak við Ólafsvíkinginn og vin hans sem eru í stórri sturtu. Þetta finnst okkur Apa mjög skemmtilegt en stamandi Ólafsvíkingnum ekki, líkt og hann tjáir stamandi.

Í lok draums stend ég við hlið laugar á bakkanum þegar "Smooth Criminal" með Michael Jackson er sett í gang og allir í sundlauginni byrja að dansa. Þvílíkur endir!