Fyrsti hluti.
Þér er fylgt til sunds af móðir þinni, þar sem þú hittir Dr. Apa. Hann lætur þér finnast þú vera velkominn og það er greinilegt að þér líkar við hann frá fyrstu kynnum. Þú kynnist nýjum viðhorfum til lífsins, sem þér stæði vanalega ekki á sama um, en vegna trausts þíns til Dr. Apa, sem er tilkomið vegna hinnar góðlegu framkomu hans og þeirrar ástæðu að móðir þín leiddi þig til hans, ertu ósmeykur við að takast á við nýja hluti, en sýnir þó trega til þess. Það bendir til að vinátta þín við Dr. Apa hafi markað fyrstu spor þín í átt frá því að vera mjög háður móðir þinni. Vatnið sem kemur úr slöngunni táknar hugsanir og Dr. Api virðist kenna þér að hafa háleitari hugsanir, því bannar hann þér að nota vatnið á fæturnar og bendir þér á að setja það á höfuðið í staðinn. Þú sýnir trega og andvarpar, sem bendir til að við upphaf vináttu ykkar hafir þú þurft að breyta sjálfum þér mikið og það hafi reynst erfitt til að byrja með. Það er táknrænt að Dr. Api sé sundlaugavörður, því í laugum er mikið vatn og vatn táknar yfirleitt hugsanir í draumum. Hann gæti því birst þér sem einskonar gæslumaður uppsprettu hugsanna eða hugmynda.