Árið 2008 er ár metalsins í einhverju tímatali kannski einhverstaðar. Nafn með rentu enda nýtt efni með Slipknot og Metallica væntanlegt. Ég er búinn að renna Slipknot plötunni 3-4 sinnum í gegn og hún er æði. Svo má einnig nálgast nýtt lag með sjálfum Metallica og félögum.

Í þessu lagi má heyra ýmsa frasa úr öllum plötum Metallica hingað til. Sterkasti ilmurinn er þó klárlega af Justice. Nokkur brot sem minna á To Live is to Die rýma einnig vel við textann. Það er fátt göfugra í þessum heimi en Metallica og þarna ná þeir að brúa bilið á milli gamla stöffsins og þess hataða.

Skemmtilegur samkvæmisleikur er að æpa á þriggja sekúndna fresti út lagið við hvað hver frasi á. 3 stig fyrir plötuna, 10 stig fyrir lagið, 25 stig fyrir rétta mínútu.

Mark Knopfler, Uriah, Bela Fleck og allt sem er ekki alvöru metall verður semsagt í fríi út árið hjá mér. Farvel gömlu vinir en Metallica gengur fyrir.