Annars er ég svo ósjóaður í þessum eldhúsbransa. Hreinlega bara nýgræðingur. En ég er allur að koma til. Ég elda mestmegnis hrísgrjón og kartöflur til að drýgja matinn. Síðan er ég bara í hakkinu og kjúklingnum. Nautahakk er meira að segja lúxus, fæ mér yfirleitt bara ódýrt svínahakk. Og þá eru það yfirleitt pastaréttir eða núðlur sem ég geri eitthvað með. Þannig að oftast borða ég pasta, núðlur eða hrísgrjón með annaðhvort hakki eða kjúkling. Síðan nota ég líka mikið af grænmeti í allt. Það er eiginlega það besta. Paprika, tómatar, laukur, sveppir og þar fram eftir götunum.