Ég fer ekki leynt með þá skoðun mína að niðurstöður úr prófkjörum stjórnmálaflokkanna eru líklega eins slæmar og kostur var. Greinilegt er að fólk sem er skráð í stjórnmálaflokkanna hefur talsvert minni tengsl við raunveruleikann en annað fólk. Kröfur almennings eru látnar liggja á milli hluta því auðvitað er mikilvægast að styðja sinn mann!

Lýðræðislegum vinnubrögðum virðist einnig vera ábótavant hjá öllum flokkum, sést það glögglega ef maður skoðar fréttirnar; og ekki síst ef maður talar við þá sem ekki hlutu brautargengi.

Það verða sömu aðilar sem sitja að kjötkötlunum næstu fjögur árin. Alþingismenn með drauma um ráðherrastól og völd. Ég sé ekki endurnýjun hjá neinum flokki.

Heimsmetið í aumingjaskap eiga þó sjálfstæðismenn í suðurkjördæmi. Hver haldiði að sé í öðru sæti þar?