Læknatöng fannst í kviðarholi þremur árum eftir aðgerð

Pakistönsk heilbrigðisyfirvöld hafa rekið þrjá lækna, tvo sjúkraliða og einn hjúkrunarfræðing fyrir að hafa gleymt töng í kviðarholi sautján ára stúlku sem var skorin upp fyrir þremur árum. Töngin sást á röntgenmynd í síðustu viku, en stúlkan hafði kvartað undan sárum verk í kviðarholinu.

Búið er að skera stúlkuna upp og fjarlægja töngina. Er þetta fjórða tilvikið sem kemur upp á sama sjúkrahúsinu þar sem aðskotahlutir verða eftir í líkama sjúklinga eftir uppskurð. Í tveimur tilvikum létust sjúklingarnir.

mbl.is greindi frá