Eins og kemur kannski í fréttum í dag þá eru Sony búnir að gefa það út að fyrsti Blu Ray spilarinn þeirra kemur ekki til með að geta spilað keyptar Blu Ray myndir. You heard me!

Það eru víst vandamál með afritunarvörnina, who would have thunk it? Þeir ætla víst að markaðsetja þetta sem tæki til að horfa á heimagerðar myndir teknar upp í einhverji Sony háupplausnar Blu Ray myndavél blabla.

Það sáu víst flestir í fréttum um daginn að neytendur eru ekki að nenna þessu. Rétt eins og ég spáði fyrir um. Það er bara þannig að flestir sitja nógu djöfulli langt frá sjónvarpinu til að þurfa 60" tæki til að upplifa háupplausnina. Fyrsta skref okkar íslendinga í átt til betri myndgæða er að þrýsta á Símann og 365 að hætta þessari ofurþjöppunarstefnu sem er í gangi í dreifikerfum þeirra.

En annars varð ég mér úti um Loewe Aconda 32" widescreen túbusjónvarp á lítið sem ekki neitt, vegna þess að núna eru allir að kaupa sér flatskjái. Jebb, ég á núna eitt besta sjónvarpstæki sem hefur verið fjöldaframleitt vegna þess að allir vilja flatskjái. Tækið er vissulega ofboðslega stórt og hundrað riða, en góð mynd engu að síður, sem enginn, enginn, enginn, enginn flatskjár getur toppað. Eftir fréttir dagsins er ég ekkert sérlega svekktur yfir því að það er ekki háupplausnartæki.