Ég hugsa af og til um 7-up og tilurð þess vegna einhverja óljósra ástæðna og hef gert það um árabil.
Það kom upp í kollinn á mér áðan, án þess að ég vissi af hverju, og þess vegna datt ég í smá vefleit um það.
Las Wikipedia-greinina og sitthvað fleira. Einhversstaðar hafði ég heyrt að það héti 7-up vegna þess að Lithium væri númer 7 í lotukerfinu, sem er auðvitað ekki rétt en ég reyndi samt að finna uppruna þeirrar sögu þar sem ekkert var minnst á það á Wikipedia né í Snopes-greininni. Svo starði ég á lógóið sem þeir sýna í Snopes-greininni og fannst sjöan líta út eins og L á hvolfi. Svo fann ég dnL-drykkinn á Wikipedia. En... ég held að endurtekna 7-up hugsunin hafi komið upp í heilanum mínum í þetta skiptið vegna þess að Kafteinn var að fjasa um dns og undirmeðvitundin hafi fengið hugmyndina um að snúa 7-up á hvolf út frá því, þar sem það er eitthvað sem ég hef aldrei leitt hugann að áður. Þetta er að minnsta kosti kenningin mín um það. Takk fyrir.