Mannstu eftir að lesa þessa færslu? Það er fölsk minning, þessi færsla var aldrei til. Í þessu augnabliki þegar þú heldur að þú sért að muna eftir þessari gömlu færslu er ég í raun að nota nýjustu tækni til að geisla minningu um þessa færslu inn í heilan á þér úr framtíðinni. Í framtíðnni getum við sent falskar minningar aftur í tímann, en það þarf að strúktúra þær mjög sérstaklega svo það gangi, þær þurfa að falla mjög eðlilega að hversdagsleika skotmarksins svo þær valdi ekki of miklum truflunum á orsakasamhengi alheimsins. Þetta geri ég til að vara þig við hræðilegum örlögum sem bíða þín eftir nokkrar sekúndur. Fljótur! Líttu við núna!!