Með lögum Katrínar Jakobsdóttur, fyrrverandi menntamálaráðherra, snemma árs 2013 hafði starfssvið stjórnarinnar verið útvíkkað um leið og reglum um skipan stjórnarinnar var breytt með það að leiðarljósi að gera hana óháða hinu pólitíska valdi. Lagabreytingar Illuga síðar á árinu fólu hins vegar í sér að skipan stjórnarinnar færðist undir Alþingi á ný þótt lýsingin á starfssviðinu héldist óbreytt. Þannig kýs Alþingi nú alla stjórnarmennina, og hafa þeir meðal annars það hlutverk að móta dagskrárstefnu og „fylgjast með starfsemi og verkefnum Ríkisútvarpsins“.
http://stundin.is/frett/fulltrui-framsoknar-gagnryndi-frettaflutning-af-wi/