Hin langa leið að ljúfri þráðleysu:
Síðan fystu tilraunir með dósaloftnet fóru fram vor 2002 höfum við Vesenmenn verið að prófa nýjar dósir og hannanir. Nú er svo komið að við getum auðveldlega smíðað stefnuloftnet sem dregur a.m.k. einn km. En þá kemur upp það vandamál að til að nota aðgangspunkt sem er svo langt í burtu þarf að stilla loftnetið upp á brot úr gráðu og halda því föstu þar sem er ekki auðvelt að gera handvirkt. Steppermótorinn sem ég notaði er úr gömlum hörðum disk og er hægt að stjórna snúning hans upp á 0,2°. Með smá gírun var svo hægt að auka nákvæmnina heilmikið.
Í kringum heimilið mitt eru ótal aðgangspunktar þar á meðal 2-3 ólæstir sem auðveldlega er hægt að tengjast og fá internetsamband í gegnum en þar sem ég er með góða stöðuga ADSL tenginu með ótakmarkað utanlandsniðurhal er lítið gagn í slíku fyrir mig eins og stendur. En með tímanum vonumst við til með að geta þróað þessa tækni á það stig að geta komið á netsambandi milli vina og kunningja. Jafnvel að tengja mig og Ingvar beint saman (ca. 11 km loftlína út í Hafnafjörð). Þegar nördarnir byrja að byggja upp sitt eigið netkerfi mun ógnarvald fjarskiptafyrirtækjana verða að engu og friður mun ríkja í sálum mannanna.
Amen.