Nú er vinnustaðurinn minn fluttur í nýtt húsnæði. Hafnarstræti 77 sem er ská á móti. Vaknaði að því tilefni tíu mínútum áður en ég átti að mæta í morgun. Reyni við sjö mínútur á morgun eflaust.

En í öðrum fréttum er það helst að mamma kemur um helgina og hefjast þá samvistir okkar í enn eitt skiptið. Ég hef enga trú á öðru en að hámenntuð konan verði diplómatísk í öllum sínum aðgerðum og gefi eftir þegar við á. Sjálfur ætla ég að halda mínu striki í tilætlunarsemi og óþokkaskap.

En það er gott veður, því er ekki að neita.