Ég endurtek hér lýsingu sem ég skrifaði einu sinni á Spjaldið á teiknimynd sem ég sá sem krakki, mig langar að vita hvort að Punduli kannist kannski við hana:

Í einhverju ævintýralegu landi er að renna upp merkileg stund, merkir vísindamenn hafa smíðað vél sem mun segja þeim hvert eðli alheimsins er í raun og veru. Þegar þeir svo kveikja á vélinni birtist svarið á stórum skjá.. mynd af gaur hrjótandi upp í rúmi, heimurinn þeirra er s.s. bara draumur þessa gaurs! En það sem verra er er að vekjaraklukkan hans fer bráðum að hringja! Allir taka höndum sama og ráðast í stórt verkefni, þeir smíða hlið til raunveruleikans, senda menn í gegn sem sækja sofandi gaurinn án þess að vekja hann og fara með hann inn í drauminn, þar koma þeir honum fyrir í sérútbúnum hljóðeinangruðum klefa svo hann vakni aldrei.