Verslunarmannahelgin var ekki eins góð og best verður á kosið, slíkt er alveg á hreinu. Í fyrsta lagi var ég að vinna mest allan tímann. Í öðru lagi tók uppþvottavélin upp á því að spúa út úr sér öllu því vatni sem inn á hana kom niður í stofu nágrannana. Í þriðja lagi er vatnsþrýstingurinn búinn að vera í lægri kanntinum og bitnar það á afköstum sturtunnar sem og þvottavélarinnar.

En jákvæðar hliðar helgarinnar eru þó einhverjar. Mér tókst að vaka til eitt á laugardagskvöldinu og í gærkvöldi til þrjú. Þetta er nokkuð vel af verki staðið þó ekki komist ég nálægt þeim meisturum Purki og Gosa sem gistu saman í rúminu hennar mömmu, í einni sæng.