Er hérna að skrifa á dýrindis fartölvu; Toshiba eitthvað með allskonar megabætum og dóti, þökk sé hinum eitursnjalla og stórkostlega samstarfsmanni mínum hans Nóa Nó.

Ég henti Ubuntu upp á gripinn og er búinn að vera að láta þessa samsuðu hoppa í gegnum allskonar hringi og leika listir sínar. Ég prufaði að tengja myndavélina hennar Hildar við fyrirbærið með von um að það yrði ægilegt vesen og myndi ekki virka og eitthvað. Það er skemmst frá því að segja að þetta gekk u.þ.b. 3x hraðar fyrir sig en í Windowsinu á ’stóru’ tölvunni.

Sem sönnun set ég hérna mynd af nýbreytta herberginu mínu. Takið sérlega vel eftir dual monitor 1600×1200 setupinu hjá kallinum!