Ég er að fakna því að prófið er búið með því að skúra og taka til. Að taka til er neðst á skemmtilegheitalistanum mínum, sem og að þurrka af. Hinsvegar finnst mér ekkert leiðinlegt að ryksuga eða skúra. Leiðinlegast af öllu finnst mér þó þegar einhver stingur upp á því að maður ‘þurfi’ að gera eitthvað, þá verður allt leiðinlegt. Þið ykkar sem eruð að ala upp eða stefnið að því; leyfið börnunum að hjálpa, ekki láta neinn þurfa.

En skítaþol mitt kikkaði inn núna fyrir helgi einhverntíman, enda er allt í drasli hérna. Þá finnst mér bara ljómandi fínt að taka rögg og þrífa aðeins,  þó vildi ég óska að einhver annar tæki til og setti hlutina á sinn stað og svona.

Svo langar mig að minna á að Rás tvö er best í heimi. Setti í gang rétt eftir hádegi og er búinn að heyra allskyns fróðleik og fullt af góðri tónlist, allt frá Pál Óskari að System of a Down, Clash og Metallica. Hættið að sóa lífi ykkar í eitthvað sem ykkur finnst skemmtilegt, þið fáið meira út úr lífinu ef þið farið eftir mínum smekk.

En ég ætla að kaupa Víkingalottó og venjulegt Lottó í vikunni.