Ertu skarpari en skólakrakki? Miklar líkur eru til þess að svo sé. Börn eru frekar heimsk, það verður bara að segjast eins og er. Þau eru ekki fær um einföldustu hluti eins og t.d. að keyra bíl eða baka pavlovu. En börn geta samt verið skemmtileg. Þau gera krúttlega hluti og segja oft frá hlutunum eins og þeir koma fyrir. Þessvegna er ekkert því til fyrirstöðu að í skemmtilegu sjónvarpsefni komi fyrir krakkar.

Í sjónvarpsþættinum ‘Ertu skarpari en skólakrakki?’ sem  nú er sýndur á Skjá einum er verið að gera lítið úr fullorðnu fólki með því yfirskini að það viti minn um einhverja tiltekna efnisflokka en skólakrakkar. Ég hef margt við þessa þætti að athuga og ætli sé ekki einfaldast að telja þá upp.

1. Frímann Gunnarsson. Spyrillinn er fastur í hlutverki Frímanns, en einn af göllum Frímanns var hversu lélegur fjölmiðlamaður hann var.
2. Amerískt tempó. Það gerist bókstaflega ekki rassgat í þessum þáttum. Reynt er að hanga yfir hverri einustu spurningu eins lengi og mannlega er mögulegt til að lengja helvítið. Þvílík og önnur eins langdregni er vanfundin. Það nennir enginn að hanga yfir þessu.
3. Spurningar sem enginn skilur, þess þá heldur getur svarað.  Ég  gat  ekki með nokkru móti skilið spurningu í síðasta þætti sem var um eitthvað lykilorð. Eins hef ég rekið mig á spurningar um fæðingardaga einhverja semi-frægra dauðra kalla og annað slíkt sem börn muna rétt fyrir próf en vita svo aldrei meir. Að vera skarpur ekki ekki það sama og að muna hvaða dag Jörundur dó.
4. Krakkarnir. Krökkunum er greinilega tamin staðalímyndaframkoma bandarískra skólabarna. Nógu djöfulli geta þessi kvikindi verið leiðinleg samt.
5. Allir eru skarpari en skólakrakki… …en þegar á gemlingana reynir, þá fella þeir fullorðna sem þarf að brosa og vera glaður í staðinn fyrir að öskra sig hásan yfir því að hafa látið plata sig í þessa vitleysu.

Ömurlegir þættir!