Íslensku sauðfé hampað í BNA!
Bandarísk hjón í norðanverðu Arkansas-ríki í BNA hafa komið sér upp litlum, íslenskum fjárstofni, sem þau láta afar vel af. Að því er kemur fram í dagblaðinu Star Tribune í Minneapolis voru tildrögin þau að heimilisfaðirinn tjáði vinafólki hjónanna að hann væri orðinn harla þreyttur að slá grasflöt heimilisins.

Vinirnir stungu þá upp á því að þau ættu að fá sér íslenskar kindur til að létta manninum sláttinn. Þær hafa síðan séð um grasflötina um nokkurt skeið. Sem dæmi um það hversu létt íslenska sauðféð er á fóðrum, segja hjónin að það þurfi engan fóðurbæti og hafi ekki þurft að fá heytuggu fyrr en í síðustu viku. Þangað til hafi féð verið á beit.

- Textavarpið greindi frá.